The Tale of the Rice Cooker

So nag-aya si TSA sa SM Fairview kanina. Gusto nya daw ako ibili ng contact lens kasi naaawa sya sa akin na parang bulag pag walang salamin. Syempre, sama naman ako.

Pagdating sa Executive Optical, excited akong tumingin ng contact lens. Ang gusto ko ay yung hazel brown o kaya gray para may pagka Asian pa rin ang dating ng lola mo. Pero si TSA ang gusto blue. Si Chocoboy naman green. Ang ending??? Heto, light blue na mata ko. Medyo naasiwa nga ako sa kulay dahil feeling ko para akong vampire. Pero sabi naman ni Chocoboy, uso naman ang Twilight kaya okay lang. At tsaka, nakakatuwa si TSA. Sabi nya talaga "Hon dual purpose ang contact lens. Nakakakita ka na ng maayos, fashionable pa. Ang dami ngang may gusto na maging kulay blue ang mata". O diba??? Sold!

Nag grocery na din kami ni TSA after kong makakita ng maayos through blue colored eyes (at para magamit ang sodexho). Sabi ni TSA bumili daw kami ng rice cooker. So nagpunta kami sa appliance section. Ang tagal namin nag aabang dun. paano ba naman nag iisa lang ang staff. At nung nakapili na kami ng rice cooker, may inaassist pa sya na bumibili ng component with matching amplifiers. Syempre, nahintay na ang kami ni TSA ng maayos sa gilid. Halos 5 minutes na kaming nahgigintay ng may lumapit na isa pang customer na hawak ang electric kettle na napili nya. Etong nag-iisang staff biglang tumawag ng kasamahan sabay sabing iassist daw. Syempre, nainis ako. Sabi ko talaga: "Excuse me, kanina pa kami dito tapos uunahin mo yung isa dahil lang bitbit nya yung electric kettle!"

Dedma ang nag iisang appliance staff.

Lalo akong nahighblood.

"Excuse me, nasan ang manager mo? Ang laki laki ng appliance center tapos ikaw lang ang staff? "

Natulala ang nag iisang appliance staff. "Mam ...

Actually yun lang ang nasabi nya. Dialog na naman ako. "Kanina pa kami dito, uunahin mo pa yung ibang tao."

Mega pigil sa akin ang TSA. Sabi pa nya "Hon, di nya kasalanan. Mag isa lang sya."

Sumagot ako: "Hindi nya kasalanan na mag isa sya. Ang kasalanan nya, inuna nya pa yung iba. Parang hindi tayo nasa customer service".

Biglang mega asikaso ang nag iisang appliance staff sa amin. Nilabas nya agad ang rice cooker from the box at pinakita na gumagana ito sa amin ni TSA.

"Mam, eto po umiilaw at umiinit na sya", sabi nya.

Dedma.

Tumingin sya kay TSA. "Ok na yan. Sige balik mo na sa box. Kunin na namin".

"May warranty ba yan?" mataray kong tanong.

"Meron po Mam, 1year", sagot nya.

"TSA, may warranty ba?", tanong ko ulit. Deadma talaga ang nag iisang appliance staff.

"Hon, meron nga", sagot ni TSA.

So binayaran na namin. Sabi ni TSA, "Hon wag ka naman irate, kawawa yung tao. Mag isa lang sya."

"Hon, okay lang sa akin maghintay. Naiintindihan ko. pero yung biglang may unahin sa atin dahil lang bitbit yung electric kettle, mali yun. Eh kung alam ko lang na yun ang basehan nya ng uunahin na customer, eh di sana binitbit ko na yung rice cooker!"

"Hay naku hon, irate customer ka", comment ni TSA.

• ************

Pagdating sa bahay, ginamit agad namin ang sinabing rice cooker.

kasabay nang pagluluto ng bigas, gumayak na ako for work.

Habang nagbibihis ako, sinabihan ko si Chocoboy na ibabaw yung ulam sa kanin. Sabi ko pa "Nak nilagay ko na sa platito yung gusto mong ulam, patong mo na lang sa kanin para uminit."

"Opo", sabi no Chocoboy.

Finally, dinner na. Pagbukas ko ng rice cooker, Nakabuhos lang ang giniling sa ibabaw ng kanin. My gulay, tinanggal ni Chocoboy sa platito at itinaob sa kanin. Ang oily super ng rice. Daig pa ang 3 day old na fried rice.

"Sabi mo ilagay sa ibabaw", defensive na sagot ni Chocoboy.

"Nak sa susunod wag mong tanggalin sa lalagyan ha. Ipatong mo lang."

Nagpapasalamat na lang ako at hindi sinigang ang pinapababaw ko sa kanin kay Chocoboy.

Oh no! May sumpa ata ang rice cooker!